知識產權都可以融資？IP融資沙盒，一文睇清
講到融資，好多人第一時間會諗到物業、設備，甚至公司過往收入紀錄，
未必會即刻聯想到知識產權。
但其實，商標、專利、軟件等知識產權，近年都開始被視為有機會支持企業融資的資產。香港亦已推出 IP 融資沙盒，希望幫企業更好地將知識產權轉化成更具融資價值的資產。
不過，對不少企業而言，問題往往唔係「有冇知識產權」，而係根本唔清楚 IP 融資沙盒是甚麼、適唔適合自己、以及申請前要先準備甚麼。
今次就由博思同事 Amy 同大家用最簡單方式，睇清楚以下幾個重點：
- IP 融資沙盒，其實係咩？
- 香港點解會有IP融資沙盒？
- 邊啲企業值得留意？
- 企業申請沙盒前，要先準備啲咩？
IP 融資沙盒，其實係咩？
IP 融資沙盒 係一個幫企業試行用 知識產權做融資 (包括專利、商標等資產) 嘅支援安排。
佢唔係直接批錢俾企業，亦唔等於只要有商標或者專利，就一定借到錢。
沙盒更似一個較有系統嘅框架，幫企業、銀行同相關專業支援之間，先行建立一套較清晰嘅做法。當中包括較獨立、較標準化嘅估值同專利評估支援，令原本只被視為法律權利嘅知識產權，更容易被理解成有機會用作融資嘅資產。
換句話說，以前企業就算擁有知識產權，都未必容易同銀行解釋「呢樣資產值幾多、點樣產生價值、點解值得支持」。
而 IP 融資沙盒嘅出現，就係希望令呢個過程更清晰，亦幫助提升融資方對知識產權資產嘅信心。
香港點解會有 IP 融資沙盒？
近年越來越多企業擁有商標、專利、軟件等知識產權，但真正想用作融資時，融資方未必容易評估其價值。
對企業來講，知識產權可能係一項重要資產；
但對融資方而言，如果缺乏較清晰嘅估值方法、評估標準同支援安排，批出融資時自然會較審慎。
香港推出 IP 融資沙盒，正正就係希望幫企業同融資方之間建立一個較清晰嘅框架，令知識產權更有機會轉化成可融資資產，同時進一步加強香港喺知識產權融資方面嘅支援配套。
邊啲企業值得留意？
唔少人一見到 IP 融資沙盒，可能會以為只同大型企業或者高科技公司有關。其實未必。
如果企業本身擁有 商標、專利、軟件版權，或者正準備將品牌、技術、產品進一步商業化，都值得開始留意呢類安排。
尤其係一啲已經建立自己品牌，或者擁有技術成果嘅企業，都值得開始留意。
如果未來想融資或擴充業務，知識產權都有機會成為其中一項可考慮資產。
另外，根據相關資料，香港推出 IP 融資沙盒，特別提到會幫助部分企業，如生物科技、電子同科技領域嘅中小企，透過專利同商標等知識產權資產去接觸融資。
換句話說，如果企業本身已經有一定知識產權基礎，又希望進一步發展業務，其實都可以開始了解。
企業申請沙盒前，要先準備啲咩？
要申請 IP 融資，最基本要先準備好 3 樣嘢：
- 整理好自己擁有嘅知識產權
例如商標、專利、版權、軟件擁有權等，最好先準備返相關證明。 - 講清楚呢項知識產權點樣幫公司賺錢
例如有冇實際使用、有冇客戶、有冇收入，因為融資方會想知道佢有冇實際價值。 - 準備基本公司資料
例如公司收入、營運情況，同埋申請融資想用筆錢做咩。
用途講得愈清楚，申請時會愈容易處理。
👉最重要唔係文件數量，
而係要講清楚：你有咩、值幾多、點樣用。
💡 博思 Amy 提提你
簡單來講，IP 融資沙盒未必適合每一間企業，
但如果公司本身已經有一定知識產權基礎，又正準備進一步發展業務，
就值得及早了解，多一個融資方向。
想知自己公司有冇得申請？先同 Amy 傾一傾
IP 融資沙盒未必適合每一間企業，亦未必需要一開始就即刻申請。
對唔少企業而言，更重要反而係先了解自己公司現時有咩資產、現金流點樣，以及手上嘅知識產權有冇進一步發展空間。
如果公司本身有商標、專利、軟件，或者正準備將品牌同技術進一步發展，其實都可以先了解清楚自己有冇機會申請。
博思同事Amy可以幫你：
✔整理公司基本資料
✔整理財務情況
✔整理知識產權狀況
等你先睇清楚自己手上有咩、適唔適合申請，以及下一步可以點準備。
如對 IP 融資沙盒或知識產權融資有疑問，歡迎按此與我們聯絡。
📲 WhatsApp / WeChat： (852) 5236 2580
☎️ 查詢電話： 2761 0139
🔔 想定期收到與會計稅務相關資訊，歡迎追蹤我們的 Facebook 專頁：https://www.facebook.com/maxiconsultant/
【知識產權】相關文章
・ 品牌成功的關鍵：從3個品牌案例看知識產權（IP）的重要性
#IP融資 #IP沙盒 #知識產權 #商標 #專利 #中小企 #企業融資 #創業
#會計師 #會計 #博思 #博思Amy
