延期年金扣稅攻略｜ 扣稅上限 $60,000？先看看你是否符合條件！
延期年金扣稅，近年好多人都開始留意，一到報稅季，就成日聽到人問：「年金最多可以扣幾多？」
但其實，延期年金扣稅唔係供滿就一定扣到，亦唔係人人都符合合資格延期年金嘅條件。
扣稅上限點計？係咪真係每年都可以扣盡 $60,000？當中有唔少細節需要留意。
以下會同你簡單拆解延期年金扣稅重點，幫你先搞清楚，再作決定。
而家就等 博思同事 Amy，同大家一步步拆解：
- 延期年金扣稅係咩？所有年金都扣到？
- 延期年金扣稅上限幾多？真係人人都可以扣足 $60,000？
- 延期年金扣稅點計? 實際慳到幾多稅?
- 你係咪符合延期年金條件？邊啲情況扣唔到？
- 為扣稅而買延期年金，係咪一定適合你？
延期年金扣稅係咩？所有年金都扣到？
講到年金扣稅，好多人第一個反應都係：「買年金就可以扣稅啦。」
但其實，唔係所有年金都可以扣稅。
只有符合政府規定嘅「合資格延期年金」（QDAP），先可以申請延期年金扣稅。 一般儲蓄型年金，或者其他退休產品，並不一定符合扣稅條件。
如想查閱合資格延期年金產品名單，可參考保監局官方網站公布的 QDAP 保單名單。
換句話說，買之前如果冇睇清楚產品是否屬於合資格延期年金，就算有供款，都未必可以享有扣稅安排。
💡 博思 Amy 提提你
買年金前，先確認產品是否屬於合資格延期年金，唔好等報稅時先發現扣唔到！
延期年金扣稅上限幾多？真係人人都可以扣足 $60,000？
講到延期年金扣稅，好多人都只記得一個數字：每人每年最多 $60,000。
但要留意，呢個 $60,000 並唔單止係延期年金本身，而係同「可扣稅強積金自願性供款」（TVC）合併計算。
換句話說，如果你同時有做 TVC，兩者加埋嘅扣稅額上限係：每人每年 $60,000。
👉 簡單例子：
如果你已經供咗 $20,000 TVC，咁剩低可以用喺延期年金扣稅嘅空間，就只得$40,000。
需留意，扣稅時會先計算 TVC，餘額才可用作延期年金扣稅，上限合共 $60,000。
💡 博思 Amy 提提你
唔少人以為年金同 TVC 可以各自扣 $60,000，報稅時先發現計錯數。
扣稅前，最好先計清楚自己實際仲有幾多扣稅空間！
延期年金扣稅點計? 實際慳到幾多稅?
好多人成日問：「供滿 $60,000，係咪就等於扣稅 $60,000？」
其實唔係。
延期年金扣稅只係減低你嘅應課稅收入，唔係直接慳返同樣金額。
實際慳到幾多，會同你嘅收入水平有關。
一般嚟講，交稅愈多，扣稅效果就愈明顯。
👉 簡單例子：
如果你用盡每年 $60,000 扣稅額，
實際節省嘅稅款，可能只係幾千至約一萬蚊左右。
如果你屬於 17% 稅階，每年最多可節省 $10,200（$60,000 × 17%）；
如果屬於 2% 稅階，只能節省 $1,200（$60,000 × 2%）。
所以重點唔係「供滿上限」，而係你實際可以減輕幾多稅款。
💡 博思 Amy 提提你
高稅階人士受惠較大，低稅階人士扣稅效果相對有限。
延期年金扣稅係咪適合你，最好先按自己收入情況計清楚，再做決定。
你係咪符合延期年金條件？邊啲情況扣唔到？
即使產品屬於合資格延期年金，都唔代表一定可以享有延期年金扣稅。
政府對合資格延期年金設有基本要求，例如：
- 供款期最少 5 年
- 年金領取年齡一般不少於 50 歲
- 年金期最少 10 年
- 總保費不少於 HK$180,000
- 年金領取人必須持有香港身份證
只要其中一項未達標，就可能無法申請延期年金扣稅。
另外，夫婦可以各自申請扣稅，但每人每年上限仍然係 $60,000。
就算其中一方無收入，另一方都唔可以使用雙倍扣稅額。
👉 簡單例子：
（1）夫婦二人各自年薪是 $200,000，所以每人每年上限係 $60,000， 夫妻合共申報扣稅總額為$120,000；
（2）如丈夫年薪為 $200,000，而妻子沒有收入，則丈夫每年上限為 $60,000，
妻子則沒有相關扣稅額。
💡 博思 Amy 提提你
見過唔少人以為「買咗就一定扣到」，報稅時先發現細節未符合要求。
安排前，最好先確認自己是否真正符合條件。
為扣稅而買延期年金，係咪一定適合你？
延期年金扣稅確實吸引，但扣稅，只係附帶效果。
呢類產品屬於長期安排，資金需要鎖定多年，未必適合所有人。
如果純粹為咗「用盡 $60,000」而購買，未必係最理想做法。
💡 博思 Amy 提提你
安排前，不妨先評估自己現金流同退休規劃，再決定是否適合。
安排前，先同 Amy 傾一傾
延期年金扣稅涉及收入、扣稅空間同長期規劃，唔同情況結果可以好唔同。
如果你唔肯定自己仲有幾多扣稅空間，或者供幾多先真正適合，
不妨先聯絡博思同事 Amy，了解清楚，再作安排。
我哋會按你實際收入同扣稅情況，幫你分析可用扣稅空間，同時評估對現金流同長遠規劃嘅影響，
避免因誤解而作出不必要安排。
如對延期年金扣稅有疑問，歡迎按此與我們聯絡。
📲 WhatsApp / WeChat： (852) 5236 2580
☎️ 查詢電話： 2761 0139
🔔 想定期收到與會計稅務相關資訊，歡迎追蹤我們的 Facebook 專頁：https://www.facebook.com/maxiconsultant/
【延期年金扣稅與報稅安排】相關文章
・ 報稅陷阱–罰款找上門，漏報、少報如何正確補救?
・ 【父母免稅額】有俾家用就有得扣? 即睇陷阱位，填錯可被判罰款！
#延期年金 #延期年金扣稅 #香港稅務 #公司報稅 #董事薪酬 #稅務安排 #報稅
#報稅貼士 #稅務小智慧 #香港公司稅 #理財小貼士 #會計師 #稅務 #會計 #博思 #博思Amy
